|
SubscriptionsSites I Read
|
|
|
|
| 首先今日呢篇日記係為左heyman而打既(佢係一個好可愛既女仔,嘻嘻)今日做到隻狗咁, 我今日幫(向生)做左好多野呀, 去半島買古古力(好貴呀),之後佢比左$20 tips我, 仲有摺左好多布,好累好累好累.....之後放左工同老豆去左食日本野,仲有iceman 去左大陸返黎,佢個衰人冇買手信比我(嗚......)根住同好可愛好可愛好可愛好可愛好可愛好可愛好可愛既heyman傾電話,好開心心 | | |
| 琴日我唔舒服到死死下呀, 咁琴日我同 kim 同埋兩個女仔出街, kim 穿臍環呀, 好驚呀, 佢用一枝好粗既針, 穿過個肚臍, 仲要成$200咁貴, 好彩我唔係女仔姐, 之後去左打一陣機, 跟住我叫左雯雯出黎, 咁kim果班去db先, 咁我同雯雯去食飯, 之後係mtr 見返3~4年冇見,同我以前係同一個補習社既 karen ,講真, 佢冇以前咁靚,之後比左我電話佢,我就同雯雯去左db,本來都冇野, 點知忽然唔舒服,仲嘔, 咁咪返屋企lor, 返到去成1:00am, 今日仲要7:00am起身返工,唉~~~好累呀而家....今日做到我死死下呀,我要排好22000張單, 真係想我死咩........好累呀~~~~~~唔打喇, 下次見啦 (>u<) <-heyman 成日打呢個,我學佢架ja | | |
| hihi~ 好耐冇打喇, 我諗呢個都係唔好叫做日記, 叫記事薄會好d, 因為我而家唔會日日寫架喇, 點解? 冇時間lor, 我都不知幾辛苦呀, 而家返工, 朝9晚7, 星期一至星期六, 仲要先得果$3000, 不過冇計, 幫屋企人手, 冇計啦. 點解我咁耐都唔寫? 對唔住呀,我因為Macy 唔開心左好耐,冇心機咪唔寫lor, 不過放心,我以經忘記左佢,我要從新做人, 哈哈~個海咁多魚, 唔係冇左佢唔得,嘻嘻,係唔係好衰呀?
今日好辛苦呀, 做到隻野咁, 原來D布咁難摺, 跟住無啦啦,比兩個學生甩我底,搞到我請左假,又冇習補, 你話係唔係好旅呢? 咁我聽日又唔知點過好,浪費左我個美好既HOLIDAY,激到我死死下.....好嬲呀,下次先再打啦, 睇住咁多先啦 | | |
| 琴日唔知做咩上唔到個xanga,所以今日先寫返,琴日我訓到成12:00先起身(哈哈,我係好懶訓架)之後2:00去左飲茶食到3:00同carina去左行葵芳,睇下d電話,行下行下毛啦啦去左carzy room跟住佢買衫,又要我幫眼,原來女仔買衫好q煩,當佢睇緊衫既時候我睇中左個散子包($10)好平,加埋佢d衫,買左$380,都唔係好貴,但係幾靚,佢話4月2日同我出街著今日買果d wo,之後佢話要影貼紙相,但係你知啦,我都唔鍾意影相,咁我咪話唔好lor,但係佢再三要求下,我毛啦啦promiz左佢4月2日同佢影,之後返去美孚join d親戚去金像獎頒獎典禮,去左紅館睇,wa...但係好悶,不過都見到好多明星,都幾正,睇完咪返美孚,哈哈我請食宵夜,食左$140,都唔係好貴(5個人食),(但係今日用左好多錢)返到屋企,洗白白,打比macy,佢個傻人怕一個人返屋企,我都好想去接佢,但係佢太遲叫我喇,唔出得,但係佢話佢呀媽幫佢call左taxi,跟住佢話要收線,咁咪收lor,之後我send左個message比佢叫佢返到屋企call我,因為點都好話哂一個女仔自己返屋企都danger,點知佢一個電話都冇,我等到5:00佢都唔call我,我又唔好意思call佢,一陣佢訓緊我又唔想吵甦佢,但係佢未打比我我又擔心佢有事(衰人!!)今朝call佢屋企,佢唔係屋企,我好擔心佢有事,call佢手提又冇人聽,超擔心,點知我call vivian,佢話macy係佢旁邊,即刻好無奈,佢一個電話都唔打比我,都唔知人地擔心佢,不過算啦,我做咩要咁緊張wo......我決定而家大訓一餐,哼~~~~~~~寫住咁多先啦,嬲呀~!!! | | |
| 琴晚成晚都訓唔到,今朝7點就碌左落床,沖左個凍水涼,10:30就補習,但係唔知點解,自從同完macy出街之後就冇乜心機,而家根本就冇心機聽佢講書,補到12:40,本來屋企有lunch食,但係我冇係屋企食,我同左miss man去食Lunch,一路食一路傾, 咁就2:00pm,上返屋企,冇野做,咪諗下野lor,其實我都唔知自己想點,鍾意人,又唔敢同人講,但係人地又真係有左男朋友,我唔可以咁做,不過算啦,佢已經同左肥仔一齊,我又無謂再煩macy,一陣佢又答我唔知咪又係自己攞黎衰,都係唔好同佢講,我愛佢就得啦,我唔想佢又要諗呢d野,佢一定會好辛苦,我係愛佢既話就唔應該比佢辛苦.如果佢明白我就好啦**(心入面真係好想佢知我愛佢,再同我講我地係返埋一齊啦)**,我真係好想同佢開開心心咁一齊,不過諗下好喇~之後去左呀嫲屋企食飯,點知我d屋企人提起macy,話約出黎玩wo,聽左之後我真係好唔開心,我又唔可以同佢地講話我同macy散左,佢仲有第二個男朋友,我果時真係冇野講,食唔落飯,因為我真係好掛住佢, 但係我知我唔可以再搵佢,食完之後咪打緊呢篇日記lor
其實我咁樣愛佢係唔係好傻呀?但係我覺得值咪得lor,愛一個人真係冇reason架, 祝macy永遠幸福,如果得既話我願意短10年命黎換佢一世幸福開心!!如果你係路人睇完之後希望你留個message比我丫~ | | |
|
